梁敏儀甘為藝術轉「性」

女星梁敏儀（Winnie）一向喜歡拍攝具爭議性的電影，即使要飾演女同性戀者亦不介意，因她以前曾被女生熱烈追求，對方更向她表白講「我愛你」﹗

入行12年的梁敏儀，近年經常往返內地工作搵真銀，去年Winnie拍攝三級電影《安非他命》，有露點及大膽親熱戲。最近她有份主演新戲《愛很爛》，不過今次毋須裸露。她直言喜歡拍攝具爭議性的電影：「就算係演Lesbian（女同性戀者）嘅電影，都冇所謂！我以前讀女校，經常同女仔玩，見到兩個女仔拖住手好正常。（畀女仔追？）試過有女仔追，仲同我講『我愛你』，但我聽完冇乜特別感覺。」

男友介意逃避

Winnie透露現時有穩定的圈外男友，男友對她呵護備至，有時她返內地工作，男友會充當護花使者陪伴。問到是否達談婚論嫁階段？Winnie坦言有計劃，現時雙方正努力儲錢：「之前好想拍拖時就冇男友，隨緣反而有。我哋目標一致，呢個會係結婚對象。（介意你曾拍大膽戲？）佢間唔中都會寸吓我，有時睇番以前性感演出，佢會選擇唔望囉！」

對於《愛》片有不少性愛鏡頭要Soft鏡過濾才可放映，Winnie說：「每個地方文化唔同，愈多限制啲人反而更加想睇。（對票房有信心？）唔係我哋控制，不過套戲好多演員都好專業，佢哋豁出去演。」