Hidy水底咬唇訂婚

余曉彤爬師姐周秀娜頭，早前答應潛水教練男友William的水底求婚，更在菲律賓拍水底婚照，但被追問婚期時竟說：「可能60歲先嫁佢呢！」

現年23歲的周秀娜師妹余曉彤（Hidy）與潛水教練男友William拍拖近5年，早前Hidy與蔡依林緋聞男友錦榮傳出緋聞，令兩人戀情亮起紅燈，直至上月雙雙到菲律賓旅行箍煲，原來男友除留住伊人外，更在水底神秘求婚，成功抱得美人歸！

婚戒唔啱戴

Hidy憶述求婚過程直言驚喜，她甜笑說︰「嗰時佢拎咗個牌寫住『Marry Me？』仲拎咗隻戒指出嚟，真係好感動，就應承咗佢。」並表示翌日在泳池拍了一輯水底婚照，兩人又攬又咀，極之甜蜜！問到何時結婚及會否下次與男友旅行潛水時順道於水底註冊？她笑說︰「未有咁快，依家拚搏事業先，可能訂婚後到60歲先嫁佢呢！大家有諗過喺水中搞婚禮，我哋都鍾意水，咁樣特別啲。」

不過她表示返港後未有戴上訂婚戒指，還向男友詐型︰「隻戒指都唔啱戴，依家拎咗去整。」她又不忘寸Jeana（何佩瑜）的圍村前男友：「我男友係圍村人，想快啲結婚，傳宗接代，佢鍾意我亦支持我做呢行，唔似得Jeana嗰個咁反對。」此外，問好友周秀娜（Chrissie）有否恭喜她？她直言對方男友Avis一早得知William的水底求婚大計，她說︰「Chrissie知道後好驚訝，之後我仲乘機問Avis『幾時到你呀？』」