羅霖斥死性不改

羅霖前晚以「仁美清叙」主席身份出席慈善首映，身為人母的她，談到Edison搭上16歲學生模Cammi時，即斥責Edison死性不改，應如染上酒癮、毒癮般前往「戒色」，她說：「男女都唔啱，個女仔都好犀利，明眼人都睇得出佢唔係受害者，想紅應該用其他方法。」羅霖覺時下後生女開放，兒子15歲已有女仔主動追求，她着兒子推卻，待18歲才拍拖。

而已為人父的陳奕迅前晚首度開腔，他坦言從同事口中得知事件，並透露近年甚少接觸Edison及見面，連網上亦沒有「吹水」，問到對事件有何睇法？他說：「關我咩事。（覺唔覺佢有病態？）其實冇咩可以評論，相信社會始終有人有呢啲行為。（會唔會睇緊個女？）佢應該識保護自己，等媽咪教啦！」

羅霖自爆兒子被女仔主動追求。

陳奕迅坦言近年甚少接觸Edison。