莊思敏警告：色字頭上一把刀

慾照事件，令Edison和Cammi成為城中談論對象。莊思敏、徐靖雯、吳雨霏等各有睇法！

莊思敏：「小心女人！沈志明已經一次，依家係第二次！動機好明確，色字頭上一把刀，依家啲模好勁，為咗單新聞不擇手段，性感同感情都可以出賣。」她又表示即使Edison主動向她發動追求，亦不會理會。

徐靖雯：「我以前和男友吃飯或普通搭膊頭合照都會有，拍拖肯定很甜蜜，拍些親密照很正常，我手機都會有，但要保管都很小心。看了報道很奇怪，為甚麼相片會流在媒體手上？這些相放在手機應要Set密碼。現在當模的女生年紀很小，希望她們多讀書，不認為早出來工作是好事。」

吳雨霏：「呢啲係佢個人口味，我唔清楚，自嗰件事（床照）之後同佢冇聯絡。（認為陳冠希自床照事件後仲未真正上一課？）係佢嘅事，我唔想評論太多，係佢個人喜好，可能佢鍾意。我接受拍親密照，正常人都會影，但身為公眾人物會小心。」

盧頌之：「我唔識Cammi，佢16歲卜卜脆，佢哋一齊唔知有冇違反法例。（信唔信佢跌兩次電話？）唔知，佢咁唔小心，叫佢身邊啲男仔小心。我唔識Edison，只知佢情史好豐富，不過所有男人都鹹濕。（你會唔會影床照？）信任對方都會影，不過會好小心同好保護個電話，仲會係相片加密碼。」