楊怡不避忌：一切隨緣

現年27歲的羅仲謙，最近被指跟32歲的無綫花旦楊怡譜出姊弟戀，日前兩人在人迹罕至的大美督BBQ斷正，事後楊怡表示彼此是好朋友，但沒否認發展機會：「緣分天注定，一切隨緣！」

大隻仔羅仲謙與傅穎（Theresa）的感情糾纏了年半，最終分手收場，傅穎更指有女藝人介入他倆的感情。據知被指介入的包括比謙仔大五年、兼有緋聞男友黎諾懿的無綫花旦楊怡，傳聞指兩人因拍攝劇集《On Call 36小時》日久生情而撻着，並發展成姊弟戀。

兩人於萬聖節當日，被本報發現在較僻靜的大美督郊野公園BBQ，雖然現場還有數名友人，但當好事被撞破時，兩人都顯得一臉尷尬，煞有介事的楊怡，更即時將BBQ相片上載到微博。昨日本報致電楊怡，問到是否與羅仲謙拍拖？她說：「大家只係好朋友，當日一齊燒嘢食，當中都有我嘅其他好朋友喺度。（有冇發展機會？）緣分天注定，一切隨緣，我會以工作行先。」

傅穎唔回應

至於男主角羅仲謙，被問到兩人的關係時，他支吾以對：「《On Call 36小時》經常都會搞聚會，之前都有約埋一齊去睇舞台劇，今次燒嘢食，唔係報道咁樣，除咗我哋之外，仲有其他人喺度。」另外，Theresa所屬經理人公司星皓發言人李小姐說：「其實傅穎之前講過，有關羅仲謙所有嘢唔回應。」