過氣「情人」甩難 阿嬌封口沈志明偷笑

陳冠希與Cammi爆出慾照，曾分別與二人傳緋聞的鍾欣桐（阿嬌）及「萬寧哥哥」沈志明，昨晚出席Mini Coupé新車揭幕活動，惟同場不遇。阿嬌表示未有留意報道，拒回應有關Edison事件。至於有網民封Edison「渠王」，她淺笑後說：「冇回應！」蔡卓妍即搭嘴問：「渠王，電影《戲王之王》嗰個？」問到對時下少女可有忠告？阿嬌說：「努力讀書啦！（Edison死性不改？）冇回應！」至於曾與Cammi傳出不愉快事件的沈志明自稱受害者，難得甩身的他不禁流露偷笑說：「每個人都要充實自己比較重要！（同佢影過親密相？）如果有都流咗出嚟啦！（信唔信係跌電話？）我不能、不知道是真是假！（唔會搵16歲做女友？）一定啦！」

另一邊廂，謝賢（四哥）昨日與狄波拉出席活動時，被問到陳冠希與Cammi的慾照一事，他即發忟憎反問：「你係咪想我一巴『星』你埋牆？呢啲咁嘅人都講！（想霆鋒快啲搵女友？）你都Shorto架！」問到是否儲了一些三頭鮑給婷婷作嫁妝，他說：「係，啲三頭鮑食剩嘅！（淨係得鮑魚？）唔通送錢呀？啲鮑魚幾十年o架喇，我都冇錢，唔通畀條命佢咩！（畀安志杰100分？）人生咁長點可以咁講！」