高層傍實送院需留醫檢查
無綫高層樂易玲昨日接機後陪陳美詩及朱慧敏到醫院，期間以iPad展示車禍現場圖片，一度眼濕濕。她解釋節目由外判製作公司負責，但公司全程有安排撰稿員匯報進度：「出事之後同陳志雲開會，傾吓使唔使換人過去繼續拍，但陳生話要暫停咗先！」
外事部副總監曾醒明澄清，無綫沒有推卸責任給外判：「如果唔關我哋事，我同樂小姐唔會嚟！（男女同房？）係外判公司安排。」又指公司替藝員買人身安全保險，其他則由製作公司負責。朱、陳二人需留院一晚檢查，對於孫耀威發火，他說：「大家都知佢同美詩好好朋友，佢嘅心情可以理解。」又指公司已盡力確保同事盡速返港就醫。據知，今次日本方面的拍攝安排沒有司機及翻譯，陳朱撞車時，導演不在現場，有指無綫大為震怒，估計稍後追究外判公司。
樂易玲一邊聽車禍經過，一邊掩面。
朱慧敏及陳美詩返港即與樂易玲及李亞男相擁，曾醒明則在旁安慰。