馬詩慧轟行為過火
身為兩女之母的馬詩慧百思不得其解的說：「點解啲人仲要影呢啲親熱相，係咪會High啲、投入啲？但佢呢啲行為唔係新聞，依家啲人嘅道德觀念變晒，但唔應該咁過火！個女仔得16歲，年齡好細！（擔心兩個女？）不時提醒佢哋，對佢哋有信心。」汪詩詩則說：「同16歲女仔太細，（擔心女兒做呢種事？）如果係我都驚，做媽咪同仔女要溝通好啲，要個女乜事都同我講。」而已為人父的DJ林盛斌說：「個女仔有冇腦？Edison個File呎幾兩呎厚，依家唔知啲相點解流出嚟？個女仔要承受後果，就算佢多咗Job都係三個月至半年，之後大家唔記得佢，希望佢好自為之。」
