黃榕怒斥蠢爆：要睇醫生戒色

陳冠希（Edison）的咀女相流出，其舊愛黃榕直斥他離譜，經歷床照事件後仍玩自拍，蠢到爆！她怒轟Edison需找心理醫生診治戒色：「佢係女都啱，同個16歲女仔拍拖唔出奇，最過分係要對方着校服畀佢影相！」

另外，Jeana昨日出席3香港活動時表示曾與Edison合作，有交換電話及SMS聯絡，但她不認識Cammi，覺得對方是小妹妹易氹，很大機會是Cammi放料：「希望佢入番正途，讀多幾年書先，依家咁做係放棄自己未來！」而Fantasy成員Tina與隊友Cammi好Friend：「但當時唔知佢同陳冠希一齊過，知道咗好震驚！我SMS慰問佢，但我冇同過陳冠希一齊。」冬甩成員Caroline則說：「知道佢同陳冠希拍拖直至分手都好驚訝！好少同Cammi聯絡，冇傾呢件事，希望畀多啲空間佢。」

而楊梓瑤稱不認識Cammi：「睇《東方日報》同《太陽報》先知。呢個女仔未成年，當然可能佢哋係正常拍拖。女仔唔可以咁快影呢啲相，要有番啲矜持。」羽翹則說：「個女仔讀多啲書先，佢之前嘅寫真好激，價值觀好似扭曲咗。我以前有影過親密相，但依家冇，最忟分手後睇到啲相篤眼篤鼻！」