胡杏兒睇定啲未必嫁Bosco

胡杏兒昨日出席記者會，對於男友黃宗澤（Bosco）指與她沒有七年之癢，她表示不回應。雖然男方大派定心丸，不過她坦言不乏追求者，男未婚、女未嫁，要想清楚。

胡杏兒昨日宣傳擔綱演出的台慶劇集《萬凰之王》，此劇昨晚一連兩集首播，杏兒表示已相約劇中演員及父母一起觀看，問到有否叫「家人」Bosco，她說：「冇。（唔畀佢入宮？）唔關事。」提到Bosco日前表示不擔心與她有七年之癢，杏兒即說：「冇回應！問番佢，佢答㗎嘛！（佢咁講會安心啲?）我唔識講嘢！我驚講錯嘢！（怕又畀佢話多事？）唔係。」提到Bosco指暫時不諗結婚，她說：「問番佢啦！我依家好忙，事業為重。痕唔痕、癢唔癢好難答，佢又講得模棱兩可，等我可以好確實答你先答！」

問到現時有沒有追求者時，杏兒說：「大把人追！」再問她有否動心，她想了好一會才答：「女仔實有人追！我個人好被動，人哋追都係Send短訊，我都有覆，大家問候吓都好嘅！男未婚、女未嫁，要考慮多啲，結婚係一生一世，要諗得好清楚。」

阿滕鼓動秋「峰」

同場的滕麗名為參演的處境劇宣傳，打鼓時上圍激盪，事後更反問記者：「真係有郁？（感覺到嗎？）好熱，乜都感覺唔到。」她又指拍檔陳奐仁在劇中有出浴戲，笑他出晒「肉」。而張兆輝與商天娥表示第一日開工就到高級酒店拍攝開房戲，張兆輝又踢爆娥姐平時於老公面前含羞答答，相當嬌嗲。