工展小姐黃穎君卸任即闖娛圈

2010年工展小姐冠軍黃穎君（Burmie）月內將卸任，Burmie近日正密鑼緊鼓，為進軍娛樂圈做足準備，Burmie說：「之前有份參與《蝦仔爹哋》舞台劇，好鍾意同觀眾嗰種互動，想將來參與多啲演出，之前經理人Taddy帶我去探張達明班，睇佢下個月公演嘅舞台劇綵排，真係嘆為觀止，好希望自己第時都可以喺演藝上做出成績。雖然出年我仲要讀埋第三年嘅通識教育學位課程，但時間管理唔成問題，我讀書同做演藝工作都咁投入，而讀通識學到嘅表達技巧同思考能力，又可以應用番喺司儀工作，我仲有研究行為心理學，我諗第時都可以幫到我處理角色！」

黃穎君早前與經理人Taddy（右）探為正舞台劇綵排的張達明班。

黃穎君能分配好時間邊讀書邊工作，更希望能在演藝方面創出佳績。