上堂學演技 Jeana捱摑

o靚模何佩瑜（Jeana）繼拍戲及打碟後又有新搞作，演舞台劇挑戰演技，由於今次是處女演出，她特地事前上訓練班練演技：「有一堂係探討人嘅黑暗面，我哋分成幾組互相對罵，畀人鬧完之後要講多謝，如果講得唔夠真誠就會畀人打一巴，我畀人打咗幾次後開始有情緒，對住人咆哮！」

Jeana認為舞台劇演出跟拍戲分別很大：「拍戲點NG都可以，但係舞台劇係現場，我控制唔到觀眾反應，驚到時有預計唔到嘅外在因素，要學識執生！」舞台劇下月中公演，但她到現時仍未知結局，因劇組怕她太早知，屆時演不出那種「無知」的感覺。

Jeana初次挑戰舞台劇，擔心有突發事件出現。