制服誘惑迎萬聖節 冬甩雙嬌俏護過招

又到萬聖節，模Elke及Ice化身性感女護士湊熱鬧，不過兩人嬌俏背後，原來十分「兇殘」，更即場以「針筒」及「手術刀」過兩招，場面搞笑！

不少人都愛在萬聖節變身，化上鬼樣遊街嚇人，不過模組合冬甩成員陳芷敏（Elke）及周梓盈（Ice）則選擇大玩制服誘惑，化身性感護士，相信必令男Fans難以忘懷！但在嬌俏的包裝背後，原來兩人十分「兇殘」，Elke拿起超大針筒猛拮Ice的Pat Pat，Ice則以巨型手術刀幫Elke「開刀」！兩人齊聲表示細時曾幻想做護士，Elke自言讀書時理科成績不錯，但因怕血而放棄，Ice雖然不怕血，卻記不到專業用詞：「我驚我亂咁嚟，拮人好多針都抽唔到血！」

Ice玩厭鬼屋

外表嬌滴滴的Ice自言大膽，去年萬聖節與友人化上爛面及爛手妝玩鬼屋，卻因太逼真而被驅趕：「我學過特技化裝，可能化得太似，鬼屋職員竟然話我哋扮相仲恐怖過現場啲鬼，所以叫我哋快啲走！」玩鬼屋玩到麻木的她，每次都一支箭狂衝，更會反嚇扮鬼的演員，認真貪玩！今年萬聖節，Ice表示想跟多位冬甩好姊妹以誇張造型到蘭桂坊玩餐飽。

相反細膽的Elke甚麼都會驚一餐，玩鬼屋永遠行最慢，早前冬甩上郵輪過夜工作，Elke控訴Ice經常講鬼古，嚇得她冇覺好瞓：「我同Ice同房，佢講完鬼古竟然去玩，嚇到我唔敢一個人留喺房，要搵師姐Rainbow傾通宵！」