黎耀祥與姚嘉妮昨日出席家居衞生活動，對於有傳張可頤因拒結婚生仔而與男友甩拖，身為拍檔的祥仔坦言未有聽聞，問到會否介紹「筍盤」，他笑說：「邊有咁嘅能力，我都冇乜朋友。」又稱與她拍劇時甚少談私人問題。雖然新劇收視不俗，但祥仔忙於拍另一新劇，忙到連返家食飯都冇時間，希望大結局時可相約一班演員邊食邊睇。
姚嘉妮則指家居衞生很重要，自爆囡囡去年患手足口病，並傳染給老公林祖輝：「當時佢話個口好似生咗一百粒飛滋咁，見佢咁辛苦，我都好心痛。」
黎耀祥與姚嘉妮出席家居活動，分享心得。
