早年結婚後隨夫移居曼谷的前亞姐陳煒，前晚突然避走返港，她解釋為辦理泰國居留簽證：「我驚水浸最後連機場都封埋，到時返唔到香港續期，泰國告我逾期居留咪弊！」煒哥見水災蔓延至巿中心，甚至波及唐人街及大王宮等，昨日受訪時不禁流露擔憂之情，她說：「我都驚今次唔知返唔返到去！」
由於陳煒於曼谷家住九樓，基本不受水浸影響，問到可有如民眾般搶購糧水？她說：「冇呀！我老公成日周圍飛，得我一個食得幾多！屋企又有濾水器，反而我養咗四隻貓，要買定多幾包貓糧以備不時之需！」
陳煒因泰國水災持續，提早返港避險。
