王璐瑤夜蒲啞忍鹹豬手
曾與Laughing哥（謝天華）傳緋聞的模特兒王璐瑤（LuLu）經常約友人到夜店，更自爆曾在夜店中遇「鹹豬手」，她說︰「之前去玩同朋友一齊跳舞，成日都有啲男仔借啲意嚟摸你，初頭摸背脊同腰仲可以接受，但之後愈摸愈低，自己就忍唔住走開。」問到有否報警？她說︰「冇呀，見唔係好嚴重。但如果佢繼續抽水唔行開，都可能會報警。」
適逢萬聖節將至，LuLu為到蘭桂坊獵食，日前到化妝學校偷師，更即席化個濃妝，她說︰「去玩梗係想多啲人注意啦！不過我唔會好似其他人咁化鬼怪妝，畫黑眼影化個濃妝已好足夠。」
場地、化妝︰POP Academy
LuLu到化妝學校偷師，學化萬聖節妝。
若再遇鹹豬手，LuLu一定要嚇走對方。