90後開心少女組「嫩版楊采妮」吳千語爆笑

20多年前袁潔瑩、羅美薇、李麗珍和羅明珠等因組成「開心少女組」而火速走紅，新一代「開心少女組」則由「嫩版楊采妮」吳千語、模特兒陳嘉寶、李蔓瑩等人接棒，吳千語表示她們因拍戲而成為好姊妹，說笑聲的「分貝」極高！

新一代「開心少女組」的五位美少女平均年齡約20歲，可謂青春無敵，輕易成為宅男新寵。早前她們合演新戲《開心魔法》，與型男古天樂及吳尊結片緣，吳千語（Karena）雖是五女中年紀最小，年僅17歲，不過由於外形高挑、樣子甜美，被指似「嫩版楊采妮」。甚少接觸排球的她在戲中要打排球，拍攝時弄至雙手爆微絲血管，又紅又痛。

陳嘉寶無懼比較

五個女孩子在片場經常細聲講、大聲笑，Karena笑言每當有群戲時，片場的分貝肯定相當高：「我哋真係嘈到爆，失控咁滯！有時工作人員都頂唔順我哋，但見到我哋又會好開心喎﹗（睇過以前嘅開心少女組？）有睇過呀，佢哋演得好生鬼，好受歡迎。（你哋五個有冇聚會？）雖然我哋相處同認識時間唔算好耐，不過成班女仔性格開朗，除咗拍戲，私下都有約出嚟玩，但Anjaylia（陳嘉寶）要返學，時間難就啲，所以我哋會用手機嘅Group Chat嚟傾偈。」

Anjaylia則表示不擔心外界將她們五個作比較，她說：「比較一定有，但我哋各有性格。」