周秀娜寸羅仲謙：咁多袋用唔晒

周秀娜前晚出席新片首映時，表示未收到男友送的手袋，並大講有味笑話寸拍檔羅仲謙：「你唔好收咁多袋，用唔晒！」

周秀娜（Chrissie）和楊梓瑤（Carol）前晚打扮密實出席電影《猛鬼愛情故事》首映，被性感上陣的何佩瑜（Jeana）、Mia及方皓玟等搶「峰」頭。Chrissie早前喜獲人生第一個電影獎項，奪得《第47屆芝加哥國際傳播影視頒獎禮》的優秀女演員，她坦言獎項很有鼓勵性，但不會因此變得有選擇性地拍戲及封胸走實力派路線：「最緊要靚，女仔最需要係有自信。」

談及男友有意買手袋逗她開心？Chrissie坦言未收到手袋，身邊的羅仲謙說：「我都希望好似你咁收袋。」她隨即大講有味笑話：「你唔好收咁多袋，用唔晒！」羅仲謙反問：「你講咩呀？」她又笑笑口說：「你成日拍戲，咁多袋用唔晒。」

Jeana變38H紙紮公仔

而電影公司刻意安排特約演員扮紙紮公仔在戲院內外搞氣氛，Jeana表示戲中有巨胸紙紮公仔造型，每邊用了六個胸墊，胸圍直達38H，問到是否理想的Size？她說：「我會同醫生傾吓個感覺，但驚背脊頂唔順！」提到早前有少女因隆胸喪命，她表示不擔心，若要隆胸會挑選信得過的醫生。

另一邊廂，Carol及衞詩昨日出席另一活動，以畫作進行慈善拍賣。Carol畫一幅心形畫，標價四萬。問到會否要男友買畫？她說：「情人節甩拖後冇固定男友。（密會葉念琛？）唔係話佢同鄧麗欣咩？」並稱視葉念琛為伯樂。