見番兩粒孫拉姑變笑女

霆鋒趁着母親狄波拉（拉姑）六十大壽，前晚專誠帶同兩名囝囝Lucas及Quintus前來賀壽，久未見孫兒的拉姑難得三代同堂，離開時開心到笑不攏嘴。

前日是拉姑六十大壽，晚上到跑馬地一間酒店設宴慶祝，兒子謝霆鋒、女兒謝婷婷及男友安志杰、前夫謝賢（四哥）、關菊英及陳淑芬等好友出席，霆鋒更帶同兩位寶貝兒子Lucas及Quintus跟嫲嫲祝壽。自鋒芝婚變後，拉姑已甚少跟孫仔見面，當晚能夠三代同堂慶祝，難怪她開心得全程笑不攏嘴。

四哥開心到暈

直到晚上11時許，菊姐與密友周偉利先行離開，隨後見四哥與陳淑芬步出。問到有否送禮物給拉姑，四哥風趣地說：「等拉姑70大壽先送。（開唔開心？）開心到暈咗。」由於現場有大批傳媒，有記者的相機不慎撞到他的頭部，四哥即搞笑地說：「邊個搞我個頭套，想死呀！捉佢出嚟。」其後，霆鋒與婷婷陪伴潮Look打扮的拉姑步出，應記者要求企定定合照。問到拉姑開唔開心？她笑笑口說：「開心！好開心！（生日願望？）大家都身體健康。（有兩個孫仔陪過生日係最好禮物？）係呀！係呀！多謝。」眾人離開後仍未見Lucas及Quintus，相信他們已於較早時由秘道離開。

另外，菊姐昨日接受新城電台訪問，被問到席上情況時及送甚麼禮物給拉姑，她卻拒透露：「最緊要係拉姑開心就夠，私人事唔想講。」