周家蔚再延遲嫁期
無綫藝員周家蔚及模特兒莊思敏前晚出席BUBIES內衣騷，家蔚表示遺傳了母親的好身材：「滿意自己身材。（敢行內衣騷？）敢，只要唔太暴露。（男友洪天明畀唔畀性感？）佢明做嘢還做嘢。（有冇讚你身材好？）冇讚過，讚過我煮嘢好食。」但他們因忙於工作而再度延遲結婚。
而莊思敏就穿上Deep V長裙中門大開騷胸，提到其緋聞男友林忠豪日前跟前Freeze成員甄詠珊飯局，她再度澄清跟林忠豪只是朋友關係：「朋友同乜人食飯我管唔到，唔需要交代，佢都有同我講話係撞到，但係我唔在場，唔會刻意去問。（林生話想結婚？）我冇諗結婚，除非有適合人選，唔會為結婚而結。」
周家蔚（右）及陳嘉容悉心打扮出席活動，各具美態。
穿上Deep V裙的莊思敏十分性感。