面尖胸脹 拒認僭建 Mia:摸上手先知

曾多次傳整容的潮媽陳靜儀（Mia）日前出席活動再次「變面」，被追問有否整容時更支吾以對；相反組合Swing成員郭偉亮，大方承認早前花5位數字割眼袋。

最近o靚模整容傳聞再度炒熱，而曾多次傳整容的Mia，日前偕同門師妹Hailey C.穿比堅尼出席深圳手機活動，除了被發現面變尖，鼻亦疑似大執成禿鷹鼻，加上谷行5吋事業線，胸部看似很硬，再次惹起整容僭建疑雲。

事後Mia解釋︰「減肥瘦咗，塊面尖咗，之前去學化妝，成日自己試化新妝，輪廓梗係唔同啦！」對於胸部看似硬，她說︰「硬唔硬睇唔到嘅，摸上手先知，但我唔會畀人摸！」問到會否效法Jeana公開做整容代言人？她說︰「有客戶支持梗係想啦！想睇吓個樣仲有邊度可以變靚啲。」

Jeana隆胸搵命博

此外，Jeana昨日出席活動時，提到有少女因隆胸而喪命，揚言考慮明年隆胸的她，被問到會否買重保險？她說：「大吉利是！醫生會畀晒資料我睇，（隆胸尺碼）會符合我身體比例。」

另一邊廂，音樂人郭偉亮（Eric Kwok）昨日接受電台訪問，承認兩星期前豪花5位數字接受割眼袋手術︰「眼袋畀人感覺好殘好攰。」還笑言女友葉佩雯很妒忌他。