Aimee放「峰」吸廣告

陳茵媺昨日棄露Bra改露腿出席跑步活動，雖然她被指腋下疑似有疤，但既成功「露」谷收視，又獲男友陳豪開腔力撐的她毫不介意，並趁機表示希望接拍內衣廣告。

陳茵媺（Aimee）繼早前在新劇中露Bra彈起後，昨日以短褲露腿造型出席「《法證先鋒Ⅲ》鑽一哩挑戰盃」，在長褲上陣的張可頤、胡定欣、唐詩詠及湯盈盈等同劇女星堆中成功搶鏡。

提到男友陳豪開腔叫各界不要亂砌她腋下有疤，她說：「呢個Topic寫咗好耐啦，我都唔介意，當係古仔咁聽。我開心觀眾讚我演出自然，呢個角色好有挑戰性，我係專誠為個角色揀個又型又有女人味又運動型嘅Bra，暫時未夠膽行內衣Show，但想拍Bra廣告。」

祥仔Ron晒股慶功

同場的吳卓羲（Ron）因腳傷未能出賽，只能做啦啦隊打氣，被問到緋聞女友張馨予以性感打扮亮相東京電影節，他說：「我有睇新聞，着得幾靚呀！（你接受到？）每個Artist都有保護自己嘅方法，佢識處理，總之靚啦！」而黎耀祥則說：「新劇收視好，都想約食飯慶祝，但好忙未有時間。（Aimee露Bra功不可沒？）下次輪到我同阿Ron一齊露。（露股？）一於同監製提議，不過要等我減咗肥先！」