爆吳尊為食林峯o趙完打
林峯、陳偉霆、張智霖及關心妍等前晚擔任直播節目表演嘉賓，專程返港的林峯透露正於北京拍戲：「因為吳尊好鍾意食嘢，所以我哋會喺現場煮嘢食，就算拍好多打戲都冇瘦到！」而陳偉霆則透露將在電影扮演江湖人物，對江湖片一直有情意結的他，被問到有否試過被「踢入會」？他說：「中四、五時曾經因為有個中一生畀人蝦，我去幫佢出頭，同人打交，結果畀學校罰！」
而慈父形象深入民心的張智霖對於當選「最理想爸爸」感到開心：「我同個小朋友咁Friend真係好難得！（靚靚妒忌？）既羨且慕！」至於會否多生一個小孩，他則表示會隨緣。
林峯在北京拍戲密密食，身形一樣咁Fit！
勁減13磅的關心妍，要在明年初開騷前增肥，以免太瘦着唔到靚衫！