「犯咗不必要嘅錯」自責處理失當
律師睇過警方提供嘅證據，好有信心證明我係無辜嘅，係無心之失，冇意圖偷竊。我有自責點解處理得唔好，好擔心呢件事會誤導到啲Fans，今次犯咗不必要嘅錯，我愧對支持者，驚產生負面影響。公司好支持我，經理人同同事都有開解我。最初到警署時我仲好鎮定，但一出門口見到有成三、四十個記者喺度等我，嗰刻真係好驚，冇諗過件事會搞到咁大。之後喺機場畀記者追訪，當佢哋一提到我屋企人，我即刻崩潰，喊咗出嚟。屋企人係我死穴，我最唔想令佢哋擔心。今次事件喺我人生裏面算係最大嘅挫折，不過我相信會雨過天青。以後有咩事唔知點處理，我唔會再旨意朋友幫手，一定會第一時間同經理人商量應該點做，我唔會再自己揸主意，會交畀公司處理。
JC因被追問涉盜竊而不禁在人前痛哭。（資料圖片）