朱紫嬈愛犬生BB險難產
女歌手朱紫嬈（Khloe）家中非常熱鬧，皆因飼養了四隻愛犬，早前更榮升為「嫲嫲」，因為所飼養的一對長毛芝娃娃，雄性的Panda今年兩歲，雌性的Rain豬今年4歲，誕下了牠們的愛情結晶品。
Khloe笑說：「Panda係我哥哥特登買返嚟，為咗跟Rain豬配種，但估唔到佢唔夠一歲就搞大咗Rain豬個肚！最後生咗BB，依家BB已經一歲大喇！」
不過，可能因為Panda未成年就「曳曳」，導致生出來的BB沒有尾巴，Khloe又表示Rain豬差點難產，她說：「原本打算畀Rain豬喺屋企自然生產，點知BB原來係巨B，搞到要入院開刀，好彩最後母子平安。」現在狗狗一家樂也融融，與Khloe另一隻兩歲大的迷你貴婦犬Mo Mo豬相處融洽。
Khole抱着一對長毛芝娃娃Panda（左）和Rain豬，心情興奮。
Rain豬早前有驚無險誕下BB，Khole對牠寵愛有加。
Panda（左）狗細鬼大，未成年已與Rain豬搞出狗命。