拉姑六十大壽恨見孫

即將六十大壽的狄波拉前晚偕老公鬍鬚Kong及一眾好友提前慶祝生日，拉姑昨日接受電話訪問時透露，生日當天將跟謝霆鋒及謝婷婷共度，但愛孫心切的她卻未敢寄望Lucas及Quintus能跟她一同慶祝。

拉姑前晚偕鬍鬚Kong，與一眾好友由晚上6時玩到近11時才離開，當晚好友頻頻祝酒及拍照留念，拉姑離開時有點腳步浮浮，好友鄺美雲出席活動後透露，跟朋友夾份送上大禮。

拉姑昨日接受本報電話訪問，心情愉快的她透露，前晚享受了一頓愉快晚餐：「今年生日，朋友話我唔搞就等佢哋嚟搞，羅漢請觀音，好朋友同老闆夾份請我食黑松露，仲有吹蠟燭，都驚有朋友誤會我冇請佢哋。」她表示「生日飯」陸續有來，昨晚與鬍鬚Kong子女及孫兒慶祝：「佢哋喺新加坡同內地返嚟同我慶祝。」至於本月26日生日當晚，她將與子女霆鋒及婷婷共度：「仲有一班睇住佢哋大嘅Auntie（孫仔Lucas同Quintus呢？）冇同我講過喎！可能想畀個驚喜我，我都唔知，希望愈大失望愈大，隨緣啦！到時有就開心喇！」

四哥中環歎茶

此外，拉姑前夫四哥謝賢前日下午戴上黑超到中環歎茶，期間一名女友人帶同文件出現，四哥翻閱後簽署，逗留一小時左右離開。