William攻內地方便見女友
歌手陳偉霆（William）前晚在銅鑼灣舉行處男戶外簽唱會，他自爆明年將力攻內地樂壇及推出國語碟，但亦會在港拍電影，問到與女友蔡卓妍（阿Sa）見面會否難上加難？他說：「本來都飛嚟飛去好少見，上去可能仲方便見。（有冇掛住佢？）工作為先！（咁少見，一見就好激情？）正常情侶冇見一段時間都會啦！」隨即面露尷尬神色！記者再問如何傳情？他說：「今年咁少見，都有SMS。」
好友兼歌手Yumiko到場支持，她透露下月底到上海拍新片，與謝霆鋒及劉青雲等鬥戲，問到可會介紹好女仔給霆鋒，她笑說：「我係最好嗰個！」
另一歌手MC Jin（左）扮粉絲神秘現身，為William簽唱會打氣。
William與歌迷玩遊戲，Yumiko在旁搞搞震！