愛不分時地海莉新歡舊愛玩埋一堆

剛訂婚的英國名模伊莉莎伯海莉，首次開腔談未婚夫沃恩及如何維持長距離戀愛。她透露新歡舊愛一家親，毫無芥蒂齊齊去旅行及打高爾夫球。

海莉與印度富商阿倫拿爾雅離婚後，數月後即與木球手沃恩訂婚，友人都指她太衝動，被愛情沖昏頭腦。不過海莉處處維護未婚夫，大讚他符合自己所有的擇偶條件。她說：「我哋一齊時好開心，成日都笑，呢樣對我嚟講好重要，我忍受唔到太嚴肅嘅人。」育有一子的海莉大讚有三名子女的沃恩是個好爸爸，而她的囝囝Damien與沃恩的子女亦很合得來。她說：「我需要一個明白子女永遠都係最重要嘅男人，而身為爸爸嘅佢亦十分同意。」海莉因工作要留在紐約，而沃恩則住在澳洲，時差令二人很難傾電話，不過海莉毫不介意：「只要我哋其中一個早啲起身，或遲啲瞓就冇問題！」

另外，海莉透露自己「太懶」，不想與前夫或舊愛反面，故一直保持良好關係。例如會與阿倫、舊愛曉格蘭特及囝囝一同去旅行，而沃恩亦會與曉格蘭特一齊打高爾夫球，相處融洽。事隔八年再演戲的海莉表示參演《花邊教主》新一季十分好玩，而且囝囝亦愛上演戲，Blake Lively更帶他去食雪糕，初嘗「約會」滋味。