周秀娜袋600萬讓導彈飛

擁有32D愛美神飛彈的周秀娜，近日以500萬人民幣（約600萬港元）續約內衣代言人，對於師妹何佩瑜（Jeana）揚言整大個胸咄咄進逼，娜姐即寸爆師妹：「32D點都夠用，我唔鍾意打假波！」

娜姐近日接Job接到手軟，7月為日本內衣品牌行騷的她，獲加碼至約600萬續約一年。為了拍攝新一輯硬照，娜姐即使爛腳，依然負傷飛往日本開工，非常專業！

32D好夠用

對於師妹Jeana有意整大33C「不倒胸」，挑戰其「咪神」地位，娜姐坦言冇有怕，還揚言自己真金不怕洪爐火，揶揄Jeana「打假波」，她說：「其實我32D已經好夠用，自己比較崇尚天然，唔使添加任何嘢！我遲啲都會設計內衣，如果佢有需要，都可以幫吓佢！」

談到今次日本拍攝之旅，娜姐表示相當辛苦，要忍住腳痛讓攝影師由朝影到晚，她說：「我隻爛腳好耐都唔好，上月初仲要硬住頭皮去影，真係好驚效果唔好，嗰日凌晨1點到東京，開會開到2點半，5點開始化妝，7點開始拍攝，一直到晚上12點，真係好！」問到如何運用600萬酬金？娜姐說：「依家樓價咁貴，惟有儲起佢啦！」