黎耀祥鬧政府慢三拍

黎耀祥昨日出席劇集《法證先鋒III》祝捷會時，狠批政府「船頭驚鬼、船尾驚賊」，施政報告中復建居屋的措拖實施得太慢！

新劇《法證先鋒III》周一首播收視高開平均34點，成為今年劇集首播日平均收視冠軍。演員黎耀祥、張可頤和陳茵媺等昨日到將軍澳電視城出席祝捷會開香檳慶祝。祥仔視帝三連霸呼聲又增加，但鄧萃雯勸他讓位給年輕人，他說：「我仲後生嘛！佢讓啦！搵咁多人民幣。」但祥仔同意雯女所講，演員酬勞不應太高免影響製作。他更豪言劇集下周平均收視有37點，便請眾人去旅行，但即補充計劃訂長洲東堤小築「招呼」大家。

此外，有樓階級的祥仔，談及施政報告的復建居屋計劃時滿腹牢騷：「香港地少人多，居屋唔影響到私人樓，香港政府唔好咁驚死，船頭驚鬼、船尾驚賊，覺得啱就要去做，政府措施太慢，成日議而不決，得個講字，如果早兩年起居屋，啲樓價就唔會咁高！」

年底將約滿無綫的可頤，日前未見她拍《金枝慾孽2》巡禮片段，她說：「我都想參與，希望監製搵我！經理人同無綫初步傾緊續約。」她坦言有其他公司挖角：「我睇重發展機會嘅。（留喺TVB有幾大成數？）面前有好多吸引嘅劇本，如果參與到，留低機會就大好多，演員都係追求劇本、發揮機會為大前提，當然調整薪酬亦最實際。」可頤亦認同復建居屋，認為夾心階層兩頭唔到岸，私樓又負擔不起，公屋又不合乎資格申請，認為社會不該貧富各走極端，希望政府在有盈餘下應多幫助低下階層。

Aimee唔搵陳豪請食飯

而陳茵媺（Aimee）對於祥仔取笑她搵埋陳豪請食飯時說：「等佢有份演《法證》先啦！如果同佢有機會拍都開心！」並笑言希望稍後播出的露Bra戲不會拖低收視。此外，Aimee前晚出席Rosamosario新店開幕，對於廖碧兒前男友林忠豪被指追求莊思敏？她表示不熟悉三人，不作回應。問到是否對自己有信心？Aimee坦言順其自然，最緊要舒服和開心。