跌Cup Bambi失魂「撞車」
有「E Cup法拉」之稱的梁雅淳（Bambi）最近成功減肥，巨胸降Cup變D奶，前日她穿上比堅尼在銅鑼灣拍美容院廣告時表示，不介意上圍縮水：「唔係愈大愈靚，我覺得依家身材仲滿意，唔係下下要鬥大囉！」似暗寸追求大胸的o靚模模何佩瑜。
雖然輕微跌Cup，但身穿泳裝的Bambi依然吸引不少途人眼望望，有人取出手機偷影，有樓上舖男子更公然「高炒」，令她大感尷尬：「惟有當睇唔到，投入啲盡快拍好。廣告商好好人，知我要客串賀歲片《八星抱喜》，專登改期就我，又安排超級跑車，但我好烏龍，唔小心撞親頭，好驚撞花人哋架車！」
Bambi坐在超級跑車拍廣告時，不慎撞親頭。
被途人眼望望的Bambi（右二），不用埋位即包到冚！