Eason偕缺臂青年表演
陳奕迅（Eason）前日到達杭州，以大使身份出任昨晚的《第八屆中國殘疾人運動會》開幕嘉賓。進場時，Eason拖着一個失明的小朋友擔任護旗手，他說：「咁多人、咁嘈，都好擔心佢會驚，所以一直叫佢唔好驚，跟住我，但係原來佢一啲都唔驚，叫佢揮手，佢仲笑住咁揮！好希望佢可以見到自己入場。」
Eason當晚亦與網絡爆紅、以腳代手彈琴的缺臂青年劉偉一同演出，對於劉偉一年之內考得七級鋼琴，Eason表示很驚訝和感動：「我四肢健全都未必跑贏佢哋，彈鋼琴都未必彈得好過用腳嘅劉偉，見到佢哋咁努力，我會好好珍惜我嘅所有。希望醫療科技快啲進步，幫助到更多人。」另外，他也不忘為港隊打氣。
以腳代手彈琴的缺臂青年劉偉和Eason一同表演。
陳奕迅（左）、劉偉