模界群插廣告商觀望

JC憑「警鐘胸」獲內衣品牌睇中，連續5季擔任內衣代言人。昨日問到是否得悉JC涉盜竊案？品牌發言人說：「呢件係佢個人嘅事，過往合作愉快，佢做嘢好認真！（事件影響合作？）每次代言都逐次決定！秋冬廣告做晒，明年春夏產品未出，未知啱唔啱佢，仲未決定。（撐佢？）呢個係社會準則，唔可以話撐唔撐嘅！」

事件亦引起模界議論紛紛，模特兒貝安琪、歐陽妙芝、琦琦及JC的同門師妹Madi Ross均認為盜竊是不當行為，貝安琪說：「全世界都唔應該偷嘢！我一定唔會咁做，呢啲要佢父母教導！600蚊唔係好多錢，使唔使咁做！」琦琦則認為模特兒是年輕人的榜樣，歐陽妙芝希望對方吸取教訓。Madi則稱不認識JC，不便評論。

對於JC捲入官非，貝安琪（左）及Madi Ross各有意見。