莊思敏揀男友前先試菜

模特兒莊思敏和陳嘉容昨日為珠寶婚紗晚裝匯演行騷，谷胸上陣的莊思敏明顯見其衫身寬鬆，和陳嘉容合照時更見她露出Nude Bra，她直認因最近綵排舞台劇瘦了五、六磅。對於近日被拍得和廖碧兒緋聞男友林忠豪及叢培崑等男士吃飯，莊思敏笑說：「飯總係要食，不過呢個星期都冇出去食飯。我父母返咗嚟，都陪唔到佢哋食飯。（父母問你感情事？）睇咗新聞咪問兩句，我答係朋友，佢哋冇再追問。」

至於會否考慮跟林忠豪發展，她說：「做乜個個都逼我？睇定啲先，我唔心急拍拖。識多啲朋友，同多啲唔同人食多啲飯，先知自己鍾意食乜菜。（乜菜都試？）係，食飯啫！唔好諗咁多。我好享受現時工作，每樣都可以試吓。」

谷胸上陣的莊思敏（右），與陳嘉容行婚紗騷。