阿嬌讚好姊妹冇揀錯人
鍾欣桐（阿嬌）身為阿Sa的好姊妹，知道阿Sa跟William拍拖時，第一個反應是驚訝：「因為阿Sa唔鍾意靚仔，加上Sun Boy'z關係，一直覺得William好細個，但原來佢處事幾成熟，阿Sa冇揀錯人！」
相信星座的阿嬌覺得同是天蠍座的阿Sa和William很相襯：「天蠍座對愛情都好瘋狂，雖然啲人話佢哋姊弟戀，但我覺得冇關係，最緊要開心！William令得阿Sa佢每日都充滿喜悅，哈哈！」她還踢爆阿Sa受男友影響而改變：「William幾健康，平時勁做運動，阿Sa啲筋骨本來勁硬，但William逼佢拉筋，排舞師都話阿Sa依家啲筋骨好軟！佢哋成日去滑水、踩單車，我都想去，不過我好怕水上活動，成日七孔入水。」
雖然阿嬌跟William拍電影《前度》時曾傳緋聞，但沒影響三人關係：「唔記得咗，可能記性唔好，助手話我有過度活躍症，會自動刪除無關痛癢嘅嘢。」
阿Sa覓得良伴，阿嬌為好姊妹感到高興。