釗鋒@C AllStar家有滅蟲「寶貝」

男子組合C AllStar成員釗鋒家有兩隻西部高地白爹利，一隻叫寶寶，一隻叫貝貝，這對「寶貝」原來識狩獵，他說：「佢哋識捉昆蟲！如果見到有蚊，佢哋會唔郁，然後等佢一飛過就一嘢拍死佢，好正！如果見到四腳蛇，佢哋都會『WooWoo聲』兇佢！」不過，「寶貝」對人類則非常友善，釗鋒說：「佢哋對人好有安全感，有朋友嚟玩就會反肚畀人摸，好Friendly！（同佢哋多散步？）少囉！但會同佢哋玩！好似我成日將個頭質去梳化度，佢哋就會過嚟整我個頭！」

為了「寶貝」健康，釗鋒只會餵狗糧：「因為以前養狗時會畀人類食物佢食，但佢哋可以接受甜同鹹嘅程度同我哋唔同，會搞到佢哋有腎病，所以依家唔會畀人類食物，因為食一次就戒唔到。」問到與「寶貝」有甚麼趣事？他說：「有時佢哋睇到樓下有狗，佢哋會用吠聲溝通，吠來吠去，好似講嘢咁！」

C AllStar成員釗鋒家有兩隻白爹利，精靈又活潑！