朱晨麗孭重飛做Laughing嫂

應屆港姐冠軍朱晨麗參選時已被指勁似陳法拉，據知她將參與《潛行狙擊》電影版，與謝天華大演對手戲，由於法拉在劇中已死，朱晨麗隨時接棒做Laughing嫂！

由謝天華及黃宗澤主演的劇集《潛行狙擊》，暫時是今年無綫平均收視最高的劇集，將於本月20日開拍的電影版《LAUGHING GOR之潛罪犯》由原班人馬上陣，天華繼續做Laughing哥，黃宗澤、徐子珊及MC Jin等也會客串，但已死的法拉卻不能留低，由貌似陳法拉的朱晨麗頂上。據知，她將孭重飛與天華有大量對手戲，並將於日內試造型。至於奸角曾傳是張家輝及劉青雲，但最終由吳鎮宇演出。

天華恨與法拉稱帝封后

昨晨天華、法拉、子珊、吳卓羲（Ron）及胡杏兒出發到雲頂登台開演唱會，天華表示因《潛》大收旺場，故有機會四出登台，並想不到劇集的影響力會去到如此遠。問到與法拉的情侶檔酬勞有否倍升？他說：「兩個人出現酬勞梗係理想啲，不過法拉開工啲期都好難就。（畀陳豪、陳茵媺搶晒啲情侶檔工作？）唔係嘅！好多內地遠啲嘅地方都搵我哋工作。」提到黎耀祥希望與《法證先鋒Ⅲ》拍檔張可頤齊奪視帝視后，天華坦言都想跟法拉一同攞獎，更想奪得最佳劇集。

法拉則表示暫時未敢輕言封后，反而對天華有信心：「我可以遲少少先，仲有進步空間，依家仲係學習階段。」Ron及子珊則透露將合唱《小酒窩》，提到子珊日前爆被Ron整喊，Ron即說：「一次啫！」至於有關緋聞女友張馨予於微博上的留言，Ron拒絕回應。

此外，單拖上陣的胡杏兒被問到為何不預埋黃宗澤（Bosco）登台？她即稱自己是獨立女性：「我咪型囉！事業型幾好！我會自己唱四首歌。（冇得同Bosco去旅行？）冇啦！食飯同見面都冇時間，只可以公司見。」她坦言要趕拍《換樂無窮》埋尾，只睡了一會便來機場，回港後即開拍《怒火街頭Ⅱ》，笑言像工廠女工般勤力。