Rainbow墾丁遊 空有美景型男欠奉
早前o靚模胡心諾（Rainbow）到台灣墾丁旅行享受陽光與海灘，並遊覽了海洋生物博物館及鵝鑾鼻等地方，其中一日傍晚下雨後，天空出現彩虹，Rainbow即笑言看到自己：「呢度天空好清，彩虹都靚過香港！」此行Rainbow更獻出了人生第一次，就是在左肩上紋身，認真大膽！但其實只是「七日鮮」的假紋身，她說：「紋咗隻蝴蝶同Rainbow字樣，唔係怕痛先唔敢真紋，我都鍾意追求刺激o架！只係怕影響工作同嚇親Fans！」問到有否艷遇？她即語帶失望表示，原本寄望會碰上像台劇中阮經天及彭于晏般陽光型男，但最終卻一無所獲。
到墾丁享受美景的胡心諾，在左肩紋上蝴蝶假紋身。
胡心諾暢遊海生館，興奮地與白海豚合照。