避談戀情昆凌只在電視見過Jay

周杰倫（Jay）的混血o靚模緋聞女友昆凌昨日與台灣女星陳喬恩為在台灣舉行的《i.t秋冬時裝騷2011》擔任模特兒，新任J女郎昆凌搶盡風頭。未知是受壓或情變，她不願多談Jay，問到Jay的打扮如何？曾被拍到與Jay遊法國的她竟說：「淨係喺電視見過佢。（幫男友揀衣服？）唔會，我冇時裝觸覺又冇自信，信唔過自己。（Jay唱歌畀你聽？）我唱歌去卡拉OK，好少唱畀人聽。」

至於陳喬恩坦言已有三年冇拍拖，現忙於在上海拍劇：「都想拍拖，如果有男友我唔會做咁多嘢，我戀愛至上。（閃婚﹖）唔排除，睇兩個人夾唔夾。」

曾與Jay遊法國的昆凌，竟表示只在電視上見過對方。

已單身三年的陳喬恩講到明恨拍拖。