Carol重拾童趣畫畫忘憂

熱愛畫畫的「浸大E神」楊梓瑤（Carol）最近頻頻踩入畫室，拿起放下幾年的畫筆，希望憑畫寄意，在畫中抒發情緒及壓力，更有意舉辦畫展將作品公諸於世。

不少o靚模加入打碟行列，寓工作於娛樂，但Carol則選擇遠離勁歌熱舞，不用工作及上學時便到畫室畫畫，在畫中抒發情緒。她坦言最近才再次執起這支放下數年的畫筆︰「其實讀書嗰陣已經有學畫畫，放學都會走去畫吓畫嘅，但之後忙溫書冇時間，加上入咗行，結果就冇再去畫畫。」畢竟Carol要讀書、工作兩頭忙，面對工作及考試壓力，她表示畫畫是釋放壓力的好方法，故體內的藝術細胞再次被激發出來，希望藉畫畫抒發各樣煩惱︰「畫畫可以暫時忘記壓力，而且自己有咩唔開心可以畫喺幅畫入面，想畫乜就畫乜。」

未敢開班授徒

Carol透露每周都會抽空往畫室畫畫，並有意與朋友一起舉行畫展，讓自己的作品給其他人欣賞︰「有同朋友傾過開畫展，唔係話自己畫嘅畫有幾靚，只係每幅畫都代表唔同嘅心情，想畀其他人睇到畫世界嘅我。」問到會否開班授徒或開設畫室？她笑說︰「大家一齊研究畫畫就得，教人畫真係唔敢當。自己都想同朋友開畫室，建立一個屬於大家嘅天地。」