楊梓瑤師妹李蔓瑩扮宅男出線
「浸大E神」楊梓瑤（Carol）師妹李蔓瑩（Renee）入行不久，即憑活潑性格被黃百鳴睇中參演電影《開心魔法》，她表示每日開工都充滿歡樂，與女主角吳千語等新一代開心少女雞啄唔斷，問到首次拍戲可有難度？她說：「好在導演要求我哋青春啲開心啲，所以做番自己就得！」她又讚黃百鳴十分親切，經常與她們同枱食飯分享往事。問到如何爭贏角色？她表示試鏡當日要演繹不同性格，最後靠扮宅男搶鏡：「我問副導演借眼鏡，不過佢好深近視，我睇嘢矇查查咁演，可能咁樣仲似！」將滿21歲的她仍是大學生，雖要兼顧學業及演藝工作，但她堅持絕不走堂！
Renee笑言與拍檔相處融洽，每日開工都嘈到拆天。