諸葛紫岐肚凸疑有餡

諸葛紫岐昨日穿貼身裙出席活動，肚凸凸疑似有喜的她沒否認，只說：「應該冇啩？」猶豫的態度令人有更多揣測，莫非她「真的中獎了」？

古天樂昨日偕名模諸葛紫岐（Marie）出席Swarovski活動，早前默認跟薛嘉麟註冊結婚的Marie，被發現肚凸凸疑似有喜！問到是否懷孕？她支吾以對：「應該冇啩？係件衫有少少緊，我身材好咗。（未講得住？）連我自己都唔知！（有冇做安全措施？）唔知點答，真係滴汗呀！係都出年擺完酒先計劃！」

擺酒必請法拉

對於早前陳法拉暗指她「晒得幸福多會燶」，Marie笑着反擊：「係錫到燶！媽咪、朋友、主席（薛家麟暱稱）都好錫我，畀好多正能量我！（同法拉分享正能量？）都好呀！」她又表示新婚生活十分開心：「屋企係自己設計，住得好舒服。（法拉要租屋住，你得寵啲？）冇咁嘅事，我唔知，同佢好少見。（擺酒請唔請佢？）一定請。」

另外，提到近期電視台挖角風雲，無綫出身的古仔坦言不會拍其他電視台的劇集，但並非誓死效忠無綫：「我仲欠無綫一個劇，但我唔可以每日花咁長時間拍劇，要停晒所有工作先拍到。我腳傷好番七、八成，行路唔可以太用力，過多一個禮拜就同陳慧琳開工拍賀歲片，到時要同動物大戰。」