梁靖琪愈醜愈開心

梁靖琪（Toby）在新劇飾演醜女，更揚言「愈醜愈開心」，將於年底嫁人的她，已邀得好友組成「Toby十三釵」姊妹團，「視后」佘詩曼更答應任其頂酒專員！

頻頻有劇推出的梁靖琪（Toby），在新劇《荃加福祿壽探案》中飾演「偵探阿姐」汪明荃的女兒岳皎，惟因性格烏龍而經常阻手阻腳。雖然屢傳阿姐專制，但Toby坦言跟她合作零壓力：「好彩我不嬲都守時，反而因為少拍民初劇，畀啲文縐縐對白考起。」她又自爆「福祿壽」王祖藍、阮兆祥及李思捷經常搞爛Gag，但她「天資」有限，經常不明所以：「所以成日畀佢哋笑我蠢！」她更笑言不介意扮醜女：「愈醜愈開心！明明唔靚就唔好扮靚！」

阿佘郭少芸頂酒

將於12月6日出嫁的Toby透露，未婚夫已下「禁肉令」，只得一套性感婚紗，姊妹團則由13位死黨，包括佘詩曼、郭少芸、周家蔚、湯盈盈及唐詩詠等擔任，組成「Toby十三釵」：「佢哋各司其職o架！阿佘同少芸負責嘈同頂酒，盈盈就負責搞笑！」她透露婚後會減產，主力經營其婚禮統籌公司，故《荃》劇將會成為她在無綫的最後存貨。問到會否希望攞獎當賀禮？她豁達地說：「如果咁諗就有包袱，獎項要睇好多因素嘅！」