洪卓立內疚憑歌悼至親

英皇歌手洪卓立於新碟收錄一首紀念已故外祖母的新歌，他自愧未盡孝道，決定未來會多陪家人，他說：「希望做到家庭、事業兩邊兼顧！」

洪卓立（Ken）至疼錫的外祖母早前去世，令他傷心之餘，亦深感內疚：「婆婆好錫我！不過因為工作太忙，忽略咗佢，我好耐冇返深圳探佢，連電話都少打……依家我再冇機會孝順佢喇！」外祖母去世後，Ken深深體會到幸福非必然，他決定以後工作再忙，也要多關心家人，早前他1個月返了深圳3次見媽咪及外祖父：「公公曾經係軍人，表面好堅強，不過我知佢好傷心，我返屋企想陪佢多啲！」

Ken暫定12月推出新碟，唱片公司提議他唱一首紀念外祖母的歌曲，但他有抗拒感：「我唔想畀人覺得我『抽水』，二來我怕錄音時會失控狂喊！」但有同事開解他，指歌曲就是印記歌手的成長歷程，送歌給外祖母非有宣傳之意，令Ken茅塞頓開，最終接納同事意見：「為免首歌太傷感，將以較正面嘅歌詞去表達思念，唔想將悲傷延續落去！」

洪杰指導聲樂

談到新碟，Ken除以較成熟的造型出現外，還會和師弟洪杰合作，他笑言洪杰雖然是其師弟，但事實上他是其聲樂老師，同時他想多參與幕後工作：「我大個仔，新碟我會參與製作上嘅工作，想學多啲嘢！」