Jeana嫌胸細扑錘整大佢
寸嘴胸模何佩瑜（Jeana）多次否認整容，惟日前終於向本報坦承已割雙眼皮，至於其「不倒胸」的真假，她說︰「我嫌個胸細想隆大啲！」
初出道被封為「翻版范冰冰」的Jeana，入行後經常被翻舊照，被指樣貌身材大執，但她全部否認！未知是否受情傷打擊，加上不滿意現在的樣貌及33C「不倒胸」，她決意把自己大改造，由頭執到落胸！
據知，Jeana已接受「吊線手術」割雙眼皮，上周更到尖沙咀覆診，她在診所內任由醫學美容顧問篤胸及「驗眼」，見她不時望鏡睇成效，看來相當滿意。據知她還接受醫生建議，把五官大執，並且隆大33C「不倒胸」，至少升一至兩Cup！
唔怕被取笑
事後Jeana接受本報電話訪問，大方承認整容︰「有做我唔會唔認，不過依家只係做咗眼手術1個月！」她直言不怕被其他胸模取笑「打假波」及「MJ面」：「唔怕啦！MJ咁傳奇，我有佢嘅成就就好喇！我亦都唔怕畀人話，我嫌個胸細，想隆大啲！歡迎同行同我交流心得，反正大家都有經驗！（家人反對？）屋企人都知，只係擔心我痛囉！其實我都唔怕痛，我一向貪靚，都係想自己靚啲啫！」另外，Jeana日前與周秀娜及陳靜儀返內地為車展擔任開幕嘉賓，吸引大批群眾圍觀。
Jeana真的決定整容了，大家記住呢個樣啦！（資料圖片）
醫學美容顧問為Jeana篤鼻又驗胸，仔細研究如何「Upgrade」。
素顏冇眉
去年中，Jeana不施脂粉影專輯，眉毛稀疏。（資料圖片）
胸前平坦
Jeana入行初期胸前近乎平坦，去年出寫真突然「大個女」。（資料圖片）
突然有料
周秀娜（左起）、Jeana及陳靜儀日前出席活動。