子珊晒命日日有仔埋身

謝天華昨日偕穿大露背長裙的徐子珊，出席精工集團舉辦的《精工璀璨傳奇130載》開幕慶典，近日頻頻跟不同男拍檔出席活動的子珊笑說：「日日都有唔同嘅男朋友，我都唔知點算！」

對名錶甚有心得的謝天華昨日在活動上，跟子珊同獲贈名錶，天華透露在錶底刻上「Laughing Gor」字樣，以紀念劇集角色：「我考慮遲啲加埋個名落身份證，不過我驚過海關嗰陣會畀佢哋以為我玩嘢！」而近日頻頻拍住不同男伴出席活動搵銀的子珊，笑言每天也有不同「男朋友」相伴：「我都唔知點算！」

對於有傳緋聞男友吳卓羲跟張馨予分手，子珊表示不知情：「要問番佢喎。（得到最後勝利？）唔好玩我啦，佢整喊我嘅！之前出去做宣傳時，佢係咁拎我嚟講笑，笑到我喊呀！」而天華聞言亦不禁取笑子珊：「如果睇相真係會懷疑嘅！」當問到天華覺得吳卓羲跟張馨予還是跟子珊較合襯？他搞笑地說：「我覺得佢同我襯啲，我周不時都錫佢o架！」子珊一再澄清早前與六呎髮型師的緋聞，令天華忍不住說：「我諗八號風球都幫人拎嘢，都算好有風度！」多番取笑令子珊差點招架不住，場面搞笑。

張馨予捍衞卓羲

另一邊廂，張馨予昨日在微博澄清分手傳聞，又暗讚吳卓羲是個真誠、低調及重感情的的正人君子，並留言說：「這是最後一次又可以給人們拿去斷章取義或者給人寫我們的機會。」又表示她現在一切很好，似乎極力捍衞此段正在發展中的關係，而吳卓羲則拒絕作出任何評論。