無綫小生林峯昨日於旺角出席活動，與蔡穎恩（Evelyn）及幾位身材高挑的外籍女模並肩而行，他跟Evelyn大方合照，卻向外籍女模派檸檬：「嘩！你咁高就唔好着高踭鞋啦！」認真搞笑！
林峯坦言多年來未有機會行旺角，頂多只有拍外景：「我一直好想行旺角，因為呢頭多玩具店，不過費事麻煩，多數叫朋友幫我買！」他表示完成工作後要前往北京拍戲，未有機會收睇孭飛劇集《不速之約》大結局。提到有傳好友吳卓羲與張馨予分手，他表示不知情：「要問番佢喎！我哋不嬲傾工作，唔會傾花邊新聞！」
林峯眼尾都唔望高妹女模，只向「的骰」Evelyn方向望。
