徐子珊拒仔埋身：大家諗多咗

徐子珊、吳卓羲、黎耀祥、張可頤、陳茵媺和陳展鵬等數十位演員，昨日戴上黑超出席《法證先鋒Ⅲ》宣傳活動。對於被指有六呎型男新歡，子珊笑着解釋只是合作了四、五年的髮型師，當日對方因公事拿髮型用品到她的家：「得啖笑啦！大家諗多咗，多謝報道配合到個劇宣傳，呢排咩新聞都同卓羲有關，Sorry呀！不過近排公司都接咗唔少Job係我哋情侶檔，OK o架！」

至於已暗認張馨予女友身份的卓羲，亦表示認識該髮型師，問到有否好男仔介紹給子珊？他笑說：「林峯啱唔啱？黃宗澤呢？」嚇得子珊嘩嘩大叫！

祥仔睇好可頤封后

此外，黎耀祥笑言對《法》劇收視有信心：「本來對視帝冇乜期望。（多十倍信心？）冇十倍，五倍半啦！」他亦認為張可頤也有機會再奪視后：「近年都係一對組合攞視帝視后，鄧萃雯又少返嚟拍劇，多隻腳同可頤做對好拍檔都好。」

徐子珊曾與吳卓羲傳緋聞，但隨着卓羲暗認張馨予女友地位而告一段落。子珊最近亦有六呎型男同行，可惜同樣是「食詐胡」！