Wylie水底探險釀紅潮

最近迷上潛水的趙碩之（Wylie），早前花費「萬七蚊」遠赴馬來西亞考潛水牌。化身「深水導彈」探索海底世界的她，不慎遭珊瑚割傷腳，導致流血收場，險釀「紅潮」！

書展寫真戰鳴金收兵，Wylie最近亦積極自我增值，除了進軍影壇做打女外，又學玩Waveboard及潛水操Fit體能，早前她專程到位於馬來西亞、有潛水者天堂之稱的詩巴丹島考潛水牌。擁有「巨D」咪咪的她，化身「深水導彈」游走奇妙的海底世界，更與海葵及海星合照晒童真，優哉游哉！

首次暢遊詩巴丹島的Wylie，大讚當地景色怡人：「呢度好出名，方中信都喺度考牌o架！（用咗幾錢？）考咗萬七蚊，不過呢度好靚，好值得！」雖然被美景環抱，但大頭蝦的她卻不慎「見紅」，令旅程留下陰影：「有次遇到水流，捲咗落啲珊瑚礁度，整損咗雙腳，流晒血呀！」

惹日籍仰慕者

此外，身材驕人的Wylie向來是宅男殺手，在島上着泳衣放「峰」的她，吸引狂蜂浪蝶埋身，她說：「有幾個日本男仔主動撩我傾偈，都唔算艷遇嘅，當識唔同國籍嘅朋友囉！」又透露下周將重返當地拍潛水節目：「係義務主持，幫手推廣潛水。」