基仔坐火箭衝出地球

古巨基原定日前推出全新專輯《Amazing World》，配合明晚舉行的紅館個唱，豈料基仔出碟招風雨，遇上颱風襲港，新碟最後順延至今日推出。配合個唱主題及內容，基仔在唱片封套變身太空人，坐上由Art Director林海峰設計的紙皮製作的火箭衝出地球。基仔請來轉戰內地樂壇的側田炮製個唱主題曲《Once Upon a Time》外，專輯還收錄勁歌串燒《勁歌金曲3 - Party King》：「呢首歌入面包含咗33首經典快歌，花咗好多時間重新Remix，希望歌迷入嚟現場一齊唱一齊跳！」

基仔（右）和林海峰坐上紙火箭「升空」。